குடும்பத்துக்குள்,சமுதாயத்தில் மற்றும் பணியிடத்தில், தனிப்பட்ட மற்றும் பொது இடங்களில் வன்முறையால் பாதிக்கப்பட்ட பெண்களுக்கு ஆதரவு அளிக்கும் நோக்கத்தோடு, ஒன் ஸ்டாப் துயர் மையமான (ஓ.எஸ்.சி) “சகி” எனப் பெயரிப்பட்ட ஒரு பிரத்தியேகமான திட்டத்தை இந்திய அரசு அறிவித்துள்ளது. உடல் ரீதியான, பாலியல் ரீதியான, உணர்ச்சி ரீதியான, உளவியல் ரீதியான மற்றும் பொருளாதார ரீதியான வன்கொடுமையை எதிர்கொள்கின்ற பெண்களுக்கு, வயது, வர்க்கம், சாதி, கல்வி நிலை, திருமண நிலை, இனம் மற்றும் கலாச்சாரம் ஆகியவற்றைப் பொருட்படுத்தாமல் ஆதரவு மற்றும் நிவாரணம் வழங்கப்படும்.

இந்தத் திட்டத்தின் நோக்கம், வன்முறையால் பாதிக்கப்பட்ட பெண்களுக்கு ஒருங்கிணைந்த ஆதரவையும், உதவியையும் வழங்குவதாகும். பெண்களுக்கு எதிரான வன்முறையின் எந்த வகை வடிவத்தையும் எதிர்த்துப் போராடுவதற்கு, மருத்துவ ரீதியான, சட்டரீதியான, உளவியல்ரீதியான மற்றும் ஆலோசனை ரீதியான பரந்த அளவிலான சேவைகளின் உடனடி, அவசர கால மற்றும் அவசரமற்ற அணுகுதலை வழங்குவதாகும்.

18 வயதிற்கு உட்பட்ட சிறுமிகளுக்கு, சிறார் நீதி (குழந்தைகளின் பராமரிப்பு மற்றும் பாதுகாப்பு) சட்டம், 2000 மற்றும் பாலியல் குற்றங்களிலிருந்து குழந்தைகளைப் பாதுகாத்தல் சட்டம், 2012 ஆகியவற்றின் கீழ் நிறுவப்பட்ட நிறுவனங்கள் மற்றும் அதிகாரிகள், ஓ.எஸ்.சியுடன் இணைக்கப்படுவார்கள். தமிழ்நாட்டில் ஓ.எஸ்.சி இந்திய அரசின் 100% நிதி உதவியுடன் செயல்படுத்தப்பட்டு வருகிறது.

பின்வரும் சேவைகளுக்கான அணுகலை ஓ.எஸ்.சி வழங்கும்:

1. அவசர கால பதிலளிப்பு மற்றும் மீட்பு சேவைகள்
2. மருத்துவ உதவி
3. எஃப்.ஐ.ஆர்/என்.சி.ஆர்/டி.ஐ.ஆர் பதிவு செய்தலில் பெண்களுக்கு உதவி
4. உளவியல்-சமூக ஆதரவு/ஆலோசனை
5. சட்டப்பூர்வ உதவி மற்றும் ஆலோசனை
6. தங்குமிடம்

ஒன் ஸ்டாப் மையம் கையேடு பதிவிறக்கம் செய்யவும்

உங்கள் ஒன் ஸ்டெப் மையத்தைத் தொடர்பு கொள்ள, எங்கள் வரைபடத்தைப் பயன்படுத்துங்கள்.